نسميها إرادة شعب .. أو ممكن نسميها مره كان فيه ثوره

نسميها إرادة شعب .. أو ممكن نسميها مره كان فيه ثوره !!

المسرحية دى قعدت سنتين ونص وشافها 90 مليون مصرى .. لو كان فاتك حاجة انا هلخصهالك ..
المشهد الأول : صور خالد سعيد وسيد بلال .. ناس واقفه وظهرها للشارع ولابسه إسود .. برلمان 2010 .. أحمد عز .. جمال مبارك .. لقطات تعذيب فى أقسام الشرطه .. تفجير كنيسة القديسين !
المشهد الثانى : 25 يناير .. وائل غنيم .. جمعة الغضب .. موقعة الجمل .. أحمد شفيق .. عمر سليمان .. ثلاث خطابات لمبارك .. الجزم بتترفع .. إرحل !
المشهد الثالث : عمر سليمان : وقدر قرر تخليه عن منصب رئيس الجمهوريه .. صواريخ .. بلالين .. ناس بترقص .. ناس بتدهن الرصيف .. ناس بتنظف الميدان .. علم مصر !
المشهد الرابع : طنطاوى وعنان .. مجلس عسكرى .. مجلس إستشارى .. عصام شرف .. الجنزورى .. محمد محمود .. مجلس الوزراء .. ماسبيرو .. بورسعيد .. دماء .. مفيش خرطوش .. طوابير إنتخابات .. برلمان .. إنتخابات رئاسه .. مناظره .. صباحى وأبو الفتوح .. مرسى وشفيق .. إعلان دستورى !
المشهد الخامس : فاروق سلطان .. محمد مرسى .. خطبة التحرير .. الإعلان الدستورى .. الإتحاديه .. هشام قنديل .. طنطاوى والقلاده .. السيسى .. الدستور .. أزمة كهرباء .. طوابير بنزين .. باسم يوسف .. عمرو وخيرى ولميس .. تمرد .. سنه واحده كفايه !
المشهد السادس : 30 يونيو .. صور بالهليكوبتر .. 48 ساعة .. الشرعيه .. السيسى والبرادعى والطيب وتواضروس .. عدلى منصور .. الببلاوى .. قنوات سوداء .. .. ناس بتحتفل .. القبض على الشاطر .. حازم فى السجن !
المشهد قبل الأخير : أحمد السنوسى .. قناصة الحرس .. دماء .. يسقط حكم العسكر .. السيسى خائن .. تفويض .. إنت بس تغمز .. وزير الداخليه .. أمن الدولة رجع .. مرتزقة 25 يناير .. المنصوره .. هاله ابو شعيشع .. البياده .. بلطجيه .. المنصه .. الداخليه .. المستشفى الميدانى .. دماء .. دماء .. لون أحمر يملأ الشاشه !
مشهد النهاية : ................................................ ! رغم إنى مش بأحب النهايات المفتوحه بس القصه لسه ما خلصتش .. وكل واحد يقدر يحط لها النهايه اللى هو شايفها .. هنسمى القصه ايه ؟؟ إسمها هيكون حسب نهايتها .. ممكن نسميها : إرادة شعب ! أو ممكن نسميها : مرة كان فيه ثوره !